PLATFORM

Daxuyanî 21.07.2002

Ji raya giþtî re

DAXUYANÎ

 

Nûnerên sê beþên civata kurd (Plattforma Neteweyî ya Kurdistana Bakur – PNK–Bakur, Însîyatîfa Kurdên Ewrupayê – Însiyatîf, Koordinasyona Demokratîk a Kurdên Ewrupa – DEM-KURD) di 20-21.07.2002a de li Swêdê li bajarê Stockholmê civiyan. Nûnerên her sê beþên civatê li ser pirs û pirsgirêkên kurdên li Ewrûpayê rawestiyan.

Civînê diyar kir ku miletê kurd yek ji miletên herî kevn û mezin yê Rojhilata Navîn e. Weke hemû miletan mafê miletê kurd jî heye ku qedera xwe bi destê xwe û bi azadî tayîn bike; li ser axa xwe serbest û azad bijî û îdareya welatê xwe bi destê xwe birêve bibe.

Tu kes û welatan weke kurdan êþ û azar ji destê terorê nekiþandiye. Ta ku kurd mafên xwe yên neteweyî û demokratîk bidest nexînin, ne li Kurdistanê, ne li welatên dagirkerên Kurdistanê (Turkiye, Îran, Iraq û Sûriye) ne jî li Rojhilata Navîn aþtî, aramî û demokrasî pêk nayê.

Nêzîkî mîlyonek kurd li seranserê Ewrûpayê weke kurd û ewrûpayî dijîn. Îro jî bi hezaran kurd ji ber zilm û zordariya dagirkeran berê xwe didine Ewrûpayê. Maf û berpirsiyariyên kurdên li Ewrûpayê wek kurd û ewrûpayî hene. Pirsa kurd, bûye pirsa Yekitiya Ewrûpayê jî. Divê dewletên Ewrûpayê, li ser çareserkirina pirsa kurd û Kurdistanê rawestin da ku çareserkirina vê pirsê bi tenê bi "însafa" dewletên dagirkerên Kurdistanê ve neyê girêdan.

Di pêvajoya endametiya Turkiyeyê de, divê Yekitiya Ewrûpayê daxwaz û armancên kurdan jî bide ber çavên xwe. Di danûstendinên endametiya Turkiyeyê de, kurd teref in. Di pirsa kurd û statuya Kurdistanê de divê kurd xwedî desthilat bin.

Civîne girîngiyek bi taybetî da bidestketinên li Baþûrê Kurdistanê. Kurdên Baþûr eve 11 sal in li ser beþeke axa xwe ya azad îdareya xwe bi rêve dibin. Her sê beþên civata kurd piþtgiriya daxwaza "Di Iraqeke Demokratîk de Kurdistaneke Federe", ya kurdên Baþûr dikin. Divê Yekîtiya Ewrupayê û mueseseyên din yên navneteweyî daxwaz û hesasiyetên ku di pirsên navneteweyîde nîþan didin, di pirsa kurd û Kurdistanê de jî nîþan bidin.

Bi berpirsiyarî û zanîna girîngiya vê xebata hevbeþ, her sê beþên civata kurd biryar dan ku bi navê Platforma Kurdên Ewrupayê-PLATFORM, dest bi xebatê bikin.

Platform bi vê daxuyaniya ji raya giþtî re bangî hemû hêz û welatparêzên kurd dike û li hêvîya alîkarî û piþtgiriyê ye.

Civînê biryar da ku her sê beþên civatê bi hev re:

  • Li welatên Ewrupayê komîteyên kar ava bikin.
  • Ji bo vê xebatê broþûr û bulten bêne weþandin û Web-Site ava bikin.
  • Seminer, panel, konferans û sevahengan pêkbînin.
  • Ji bo diplomasî û lobîyeke kurdî kar bê kirin.
  • Li ser pirs û pirsgirêkên kurdên li Ewrupayê yên nasnameyî, civakî û çandî rawestin.

Platforma Kurdên Ewrupayê – PLATFORM

Stockholm, 21.07.2002

 

DEM -KURD:

Civata Kurd (Giessen) • Civata Kurd li Elmanya (Koln) • Dengê Kurdan li Duisburgê • FKKS – Federasyona Komeleyên Kurdistanê li Swêdê • Hevkar-Elmanya • IVK (Mainz) • Kitêbxaneya Kurdî li Stockholm • Komela Kurdistan li Belçîka • Komela Çanda Karkerên Kurdistan – KOÇ-KAK • Komela Karkeren Kurdistan – Avusturya • Komela Karkeren Kurdistan – Danîmarqa • Komela Karkeren Kurdistan Swîsra • Komela Karkeren Kurdistan – Frensa • Komela Navnetewi ya ji bo Mafên Mirov li Kurdistan (Elmanya) • Kurdish Advice Centre (Brîtanya Mezin) • XOYBÛN – Berlin • XOYBÛN – Danîmerqa • Yêkitiya Karkerên Kurdistan li Holland • Yekitîya Komelên Kurdistan – KOMKAR (Elmanya)

Însîyatîfên Kurdên Ewrupayê IKE – INISIYATIF:

Înîsiyatîfa Kurdên Elmanya, Înîsiyatîfa Kurdên Avusturya, Înîsiyatîfa Kurdên Danimarka, Înîsiyatîfa Kurdên Fransa, Înîsiyatîfa Kurdên Hollanda, Înîsiyatîfa Kurdên Brîtanya Mezin, Înîsiyatîfa Kurdên Swêd, Înîsiyatîfa Kurdên Swisre.

Plattforma Neteweyî ya Kurdistana Bakur – PNK-Bakur:

Partiya Azadî Demokrasî ya Kurdistanê – PADEK, Partîya Îslamî ya Kurdistanê – PIK, Partiya Sosyalist ya Kurdistanê – PSK, Rêxistina Sosyalist û Demokratik ya Kurdistanê – RSDK, Partiya Rizgarî Ya kurdistanê – RIZGARÎ