Kurdish Library

Çalakîyên programî 1999

Çalakîyên programî 1999

Armanc ji çalakîyên programa Kitêbxaneya Kurdî ew e; da ku ji bo azadîya gotin û xweîfadekirinê û afirandinên hunerî bibe warekî azad û di pêkanîna pêwendîyên navbera mirov û kulturan de peydakirina ciyekî hevdîtinê.

Di Sibata 1999an de ji lûleyên qata jorîn av bi ser Kitêbxaneyê de hat. Ji ber vê yekê hem ji alî fîzîkî û hem jî ji alî kar de ji bo Kitêbxaneyê xebateke zêde derket. Me kitêbxane bar kir ciyekî din û nêzî sê mehan em li ciyê xwe yê nû man, bivê nevê vê yekê tesîr li çalakîyên Kitêbxaneyê kir.

Pêşangehên fotoyan yên ku di bin navê Svenska fotografer i Kurdistan - Kurdistan bi çavên fotografên swêdî de ku di 1998an de destpêkiribû, dîsa bi alîkariya Meclisa Wilayetê ya Stockholm Paytexta Kulturî ya Ewrûpayê ve di 1999an de jî her berdewam kir.

Nivîskarê kurd Selîm Berekat, piştî demeke sirgûnîyê ya dirêj, cara pêşî di bihara 1999an de hat Stockholmê û ji Beledîya Stockholmê bûrsa ji bo nivîskarên mişextî (sirgûn) wergirt. Ji bo vê yekê li Kitêbxaneyê li gel nivîskar û çapemenîya swêdî kokteylek ji bo Selîm Berekat hat çêkirin.

Pêşangehên fotoyên Daweteke kurdî li ber Nemrûdê li gel fotograf Konny Dauner û rojnamevan Karin Levander hate amade kirin.

Di warê alîkarîyên mirovî yên ku bi hevkarîya rêxistinên kurd û swêdîyan li Kurdistanê pêkhatiye, pêşangehek hat amade kirin.

Türkçe-Kürtçe Sözlük (Ferhenga Kurdî-Tirkî) ya ku Mehmet Tanrıkulu amade kiribû, bi hevkarîya Kitêbxaneya Kurdî û Weşanxaneya Podiumê hat derxistin. Li gel nivîskarê Ferhengê, serokê Federasyona Komeleyên Kurdistanê li Swêdê Keya Izol, serokê Federasyona Komeleyên Karkerên Tirk Osman Özkanat, serokê berê yê Yekîtîya Nivîskarên Swêdê Peter Curman û ji Danîmarkayê ji Unîversîteya Roskildeyê Dr. Tove Skutnabb-Kangas li kitêbxaneyê civîneke çapemeniyê hate amadekirin.

Pêşangeha fotograf û endamê birêvebirî ya Komela Fotografên Swêdî yê berê Lars Ekenborn di 12ê çileya pêşîn de bi kokteylekê hat vekirin.

Şevên Edebîyata Kurdî ku di dawîya salê de dest pê kir û ewê seranserê sala 2000î jî berdewam bike, bi helbestvanê kurd Refîq Sabir ve dest pê kir. Di vê şevê de li gel xwendina helbestan, bi kurdî û swêdî, kitêba Refîq Sabîr ya bi swêdî; Istidens epok (Destana dema qeşayî/bestavî) hat danasîn.

Piştgirîya swêdî û kurdî
Pêşangeha fotoyan
14ê Gulanê 1999

Selîm Berekat
Civîn bi hevkariya Belediya Stockholmê
û PEN a Swêd
1ê Hezîranê 1999

Mehmet Tanrıkulu
Türkçe-Kürtçe Sözlük
Ferhenga Tirkî-Kurdî
Civîna çapamenî û roja îmzekirinê ya bi hevkarîya weşanxaneya Podiumê
19yê Çileya paşîn 1999

Şevên edebiyata kurdî
Şevekî li ser helbestên Refiq Sabir
13 Çileya pêşîn 1999

Lars Ekenborn
Pêşangeha fotoyan
26ê Çileya pêşîn 1999 - 15 Çileyê paşîn 2000

29-08-2002